Ytre Arna

I Indre Arna vart det bygd kyrkje i 1864. Når folk i Ytre Arna skulle til kyrkja, gjekk dei eller rodde. Fabrikken heldt eigne kyrkjebåtar.

Men i 1895 skreiv Jürg Jebsen til prestane og heradstyret at han ville bygge kyrkje i Ytre Arna. Soknerådet og heradstyret gjorde då vedtak om dei samtykte i at det kunne bli bygd kapellkyrkje i Ytre Arna og at det skulle bli halde gudsteneste her annakvar søndag.

Kyrkja er lik den som står i Berger i Vestfold. Den er bygd av Peter Gabrielsen og teikna av arkitekten Schak Bull.

Eit takkediplom med 300 underskrifter vart gitt til Jürg Jebsen for at han hadde bygd kyrkje i Ytre Arna i 1899.