Den første tonen
Det heitte seg at det var E. A. Haugland, ein kontormann ved bomullsfabrikken, som brakte den første tonen til Ytre Arna. Han hadde eit tenorhorn, og i stille vårkveldar var han ute i båt og spela, og folk syntest det var umåteleg vakkert.
Paragraf 1 i lovene til Arne Musikforening kom seinare til å lye slik:
"Musikforeningens formaal er at vække og nære sansen for god musik, og derigjennom alt som er ædelt og godt".