Andre kor i Ytre Arna

Utover på 1920-tale arbeidde koret svært godt. Dei hadde mellom 30 og 50 medlemmer, og hadde og konsertar forutan i Ytre Arna andre stader som Vaksdal, Dale og Salhus. Dei var og på Voss, Sund, Myking og Eidslandet.

I 1926 var Mons Sletten med å danna Nord- og Midthordland songlag, og etter det var koret med på alle stevnene denne samskipnaden arrangerte. I 1934 hadde denne songarskipnaden stevne i Ytre Arna, og då vart Sletten heidra for sitt arbeid.

Mons Sletten slutta som dirigent i 1931, og Einar Svendsen overtok. Koret dreiv bra i nokre år til. Men i 1937 slutta Svendsen som dirigent. Interessa minka, og samme året vart koret nedlagt,.