1916 - eit blomstringsår.
Årsmeldinga kallar 1916 eit blomstringsår med tre framsyningar. Den eine er til inntekt til Arna Folkebad på sjølvaste 17.mai. Elleve mann stilte på rekke og gjorde sine saker godt.
I referatet frå denne framsyninga heiter det:
"Banksjef Rongved takket oss for vore prestasjoner i varme ordelag og med bevægelse. Etter talen kunde man lett forstå av publikums jubel at banchefens ord også var deres ord. Atter et bevis på at vi hadde gjort lykke fikk vi da Ivar Aasgaard og frue den samme aften skjænket os en gave på 20 kroner samt en fin skrivelse til turnforeningens fordel."
Arne turnforening hadde kome inn i varmen. Troppen hadde tatt folket med storm og skulle etter dette gjennombrotet veksa til den desidert største frivillige organisasjoen på staden, som "alle" kom til å vera innom før eller sidan.