Arna-Cup og Gatecup
Arna-Cup blei arrangert første gong i jubileumsåret, men også i ei rekkje år etter kunne aldersbestemte lag frå heile Hordaland kjenna på cupfeberen på stadion. I 1991 var det påmeldt 56 lag frå 24 ulike klubbar. Dei 60 personane i arrangementskomiteen kunne stolt konstatera at heimelaga stakk av med 4 gull, 2 sølv og 1 bronse. Men mange klubbar ønskjer å laga til eigne cupar og i 1997 vert Arna-Cup avlyst på grunn av få påmeldte lag. Arna-Cup går inn i historia.
Fotballgruppa har også arrangert gatecup fleire år som her i 1993. Finalane blei spelt på sankthans med stor stemning rundt arrangementet.