Den første leiaren i sanitetsforeninga, doktor Gudrun Kolderup

Gudrun Kolderup var leiar i sanitetsforeninga frå starten i 1909 til ho døydde i 1931.

Ho la ned eit stort arbeid for foreininga. Frå protokollen det året ho døydde står det å lesa: "saa lenge sanitetsforeningen bestaar, vil hennes navn være uløselig knytt til den. Signe være hennes minne".

I testamentet hennar hadde ho fastsett at 10 000 kroner av hennar formue skulle tilfalla Arne Fabrikkers Sanitetsforening.

Det var 10 medlemmer frå starten av, men alt året etter hadde det auka til 99. Sanitetsforeninga i Ytre Arna har gjennom heile historia hatt mange medlemmer. På det meste skal det ha vore over 820 medlemmer!