Arna og Åsane Røde Kors Hjelpekorps

Arna Folkebad måtte vika då Arnegården skulle byggast i 1960. Hjelpekorpset fekk tilbod om å få bygget mot at dei stod for rivinga sjølve. Materialane vart køyrt til Kvamskogen.

Hjelpekorpset hadde sikra seg ei hyttetomt på Kvamskogen. Våren 1963 begynte arbeidet med å reisa hytta. Byggekomiteen bestod av Johannes Steinsland, Ingolf Froestad og Bjørn Blindheim. Det vart lagt ned eit stort dugnadsarbeid.

I 1964 stod Røde Kors-hytta ferdig. Den fekk navnet Krossbu og blei eit naturleg samlingspunkt for medlemmene, og hjelpekorpset kunne ta den i bruk ved helgevaktene og påskevakta.

På 1970-talet vart det lagt inn straum, skifta tak og vindauge, og i 1994 vart det bygd eit tilbygg med bad, WC, tørkerom og vedbod.