Ullvarefabrikken - Utviklinga på fabrikkområdet i 100 år ++

Etter som åra gjekk så auka produksjonen og det var tid for å utvide. I 1859 blei det reist ein ny “klædefabrikk”. Også i denne er vegger utført av gråstein bortsett frå tilbygget i enden av bygget. Det var utført i treverk og inneheld vasshjulet. Grunnflata på hovedbygget var ca 13x39m. Det er kjellar under ein liten del av bygget, og utover dette var det tre høgder. I første etasje stod det kardemaskin og forspundemaskin, i andre var det vevstolar og i tredje etasje spinnemaskiner.Bygningen brant i 1886 og det blei reist ny bygning i 1887.

Shoddy-bygningen låg øverst i elva og blei reist i 1860. Det var ein tre-etasjes murbygning med grunnflate 9x17m. Shoddy er opprevet materiale laga av ullfiller og avklipp frå trikotasje og konfeksjonsfabrikkar. Det blei karda og ein spann det til ulltråd på vanleg måte. (Karde er å kjemme og fjerne “rusk og rask” frå ulla som skal spinnas ) Bygningen stod i nesten 80 år før den blei riven i 1939.

I 1869 stod også ein appretur-bygningen ferdig heil nederst i elva. Den var på same måten som shoddy-bygningen ein murbygning, men i ein etasje med ei grunnflate på 9.6x41m.

Appretur er eit felles-ord for prosessar, både kjemiske og mekaniske, som tekstilar gjennomgår etter at det er produsert. Dette for å gje stoffet eit spesielt utsjåande, endre eigenskapar og auke motstand mot spesielle påkjenningar mm.