Ullvarefabrikken - Utviklinga på fabrikkområdet i 100 år ++

Arbeidarbustaden (4) som seinare blei kalt “Jentehuset” var ein to-etasjes bygning + loft. Den blei oppført same året ein reiste den første fabrikkbygningen i 1853, men blei forlenga året etter. Grunnflata var no 7.5 x 24.5m. På teikninga er det i første etasje vist seks kjøkkenrom + andre rom og andre etasje har også denne inndelinga. I bygningen budde fabrikkeigarane Jürg Jebsen og Hans Hansen den første tida inntil dei bygde den nye direktørbustaden “Jebsahagen”. M.L.Revheim skriv om dette i boka si. Les meir om "Jentehuset" seinare.

Fargeriet (5) blei oppført i 1854 med ei grunnflate på 7.5 x 20.5m. Det var ein ein-etasjes bygning utført av stenderverk. Den stod i 10 år før den blei riven i 1864.

Dampkjelhuset (6) var også oppført i 1854 og hadde ei grunnflate på 5 x 7.5m. I kjellaren som var oppført med veggar av gråstein stod ein dampkjel. Etasjen over var utført med stenderverk “utmurt med tegl”. I denne etasjen blei det tørka garn. Bygningen blei riven i 1858 for å gje plass til ein større fabrikkbygning.