Bomullsvarefabrikken - Utvikling på fabrikkområdet i 100 år ++

Dette var ein ein-etasjes bygning med fire langsgåande “takopplett” med vindu som gav lys inn. Den høge grunnmuren var av gråstein. Veggane var utført av tømmer med utvendig kledning og taket tekka med tegelstein. Ved nordfasaden mot elva var drivkrafta til vevstolane montert, eit stort vasshjul med diameter på ca 4.7m. Grunnflata var 22.6x25.1m.

Den første arbeidarbustaden blei reist nord for veveriet. Det var ein to-etasjes trebygning med loft og fundament av gråstein. Den hadde fire skorsteinar. Teikninga fortel at Peter Jebsen budde her før han fekk seg eige hus i 1856. Grunnflata var 7.8x30.3m. Den blei reven ca 1910 og ein ny bygning satt opp same staden og står der enno. Den blei kalla “Langebygningen”