Andre bedrifter

Bedrifta låg nede ved Sørfjorden med eigen kai. Det meste, ja kanskje alt av trelast og bygningsmatriell kom truleg sjøvegen. I BT i nov. 1918 les ein at bedrifta søkjer etter eigna skute til å frakte trelast.

Framover i 1920-åra og inn i 1930-åra dreiv ein med trelasthandel og oppføring av store og mindre bygningar i Ytre Arna og omland. I BT les ein i august 1936 omtale av bedrifta som no er 25 år. Dette året blei adkomsten fram til trelasthandelen utvida og definert som offentleg veg fram til sjøen. Den gamle kaien blei riven og kommunen bygde ny offentleg kai som stod ferdig i 1938.